Asec Mimosas kama Yanga tu

Klabu ya Yanga imeipongeza klabu ya Asec Mimosas kwa kutwaa ubingwa wa ligi kuu ya Ivory Coast

Asec wametwaa ubingwa wa 28 wa ligi kama ilivyofanya Yanga siku mbili zilizopita pale uwanja wa Benjamin Mkapa baada ya ushindi wa mabao 3-0 dhidi ya Coastal Union

Asec ndiko anakocheza kiungo mshambuliaji Stephan Aziz Ki ambaye Wananchi wanamsubiri amalize mkataba wake katika klabu hiyo

Ligi Kuu ya Ivory Coast inamalizika Jumatano, Juni 19 huku mkataba wa Aziz Ki na timu hiyo ikielezwa kuwa utamalizika Juni 28

Jana katika Mkutano na Wanahabari, Msemaji wa Yanga Haji Manara alisema usiku wa Juni 29 watahitimisha mjadala unaomuhusu kiungo huyo