Yanga inawania rekodi ya aina yake

Msimu huu Yanga imedhihirisha kwa vitendo kuwa dhamira yao ya kutwaa ubingwa ilikuwa ya dhati kabisa

Jumamosi Juni 25 Wananchi watakabidhiwa kombe lao baada ya mchezo dhidi ya Mbeya City pale uwanja wa Sokoine

Nyota wa Yanga wameelekea mkoani Mbeya wakiwa na tabasamu la kukabidhiwa taji la ligi kuu lakini wanafahamu wana kazi ya kuhakikisha hawaharibu rekodi yao ya kutopoteza mchezo msimu huu

Ni heshima kubwa kwa wachezaji wa Yanga kutwaa ubingwa lakini ni heshima zaidi kama watafanikisha hilo pasipo kupoteza mchezo msimu mzima

Lakini itakuwa heshima zaidi zaidi kama watafanikiwa kutwaa kombe la FA Julai 02 kule mkoani Arusha

Historia itaandikwa kuwa katika msimu wa ligi kuu 2021/22 Yanga walitwaa mataji yote pasipo kupoteza mchezo