Makambo an'gara Shirikisho

Mshambuliaji Heritier Makambo ndiye kinara wa mabao kwenye kikosi cha Yanga katika michuano ya kombe la Shirikisho la Azam (ASFC) akifunga mabao manne na kutoa pasi moja ya bao

Jana katika mchezo wa fainali dhidi ya Coastal Union, Makambo alifunga bao lake la nne pia akitoa pasi ya bao lililofungwa na Feisal Salum 'Fei Toto'

Kumekuwa na mjadala miongoni mwa mashabiki wa Yanga kuhusu hatma ya Makambo lakini ni wazi kiwango bora alichoonyesha katika  michezo ya mwisho msimu huu kinaweza kurejesha imani ya benchi la ufundi kwake

Yanga inatarajiwa kuongeza nyota wanne wa kigeni na italazimika kuacha mchezaji mmoja ili kukidhi matakwa ya kanuni za usajili wa ndani