Ushindi mwingine kwa Yanga Avic Town

Yanga leo imecheza mchezo wa tatu wa kirafiki dhidi ya Namungo Fc ikiwa ni sehemu ya maandalizi kuelekea kilele cha wiki ya Mwananchi

Yanga imeibuka na ushindi wa mabao 2-0 yakifungwa na Heritier Makambo na Fiston Mayele aliyefunga kupitia mkwaju wa penati

Mayele amerejea na moto uliomaliza nao msimu uliopita akipachika mabao matano katika michezo mitatu

Huo ni mchezo wa mwisho wa kujipima nguvu kwa kikosi cha kocha Nasreddine Nabi ambaye sasa anasubiri mchezo mwingine katika kilele cha wiki ya Mwananchi dhidi ya Vipers Fc August 06