Kiungo wa Yanga Gael Bigirimana amewashukuru mashabiki wa timu hiyo kwa kujitokeza kwa wingi kwenye Tamasha la Mwananchi lililofanyika uwanja wa Benjamin Mkapa jana
Gael amesema alichokishuhudia dimba la Mkapa jana ni heshima kwake lakini amesikitishwa na matokeo ya mchezo dhidi ya Vipers Fc wakifungwa mabao 2-0
"Ilikuwa ni heshima, kupata uzoefu leo. Lakini sikufurahishwa na matokeo, kushindwa ni dawa ya kutibu mapungufu yetu," alisema Bigirimana
Katika mchezo dhidi ya Vipers, Bigirimana aliingia kipindi cha pili na alionyesha umahiri mkubwa katika eneo la kiungo
Kufungwa ni matokeo ambayo hakuna shaka yatawaongezea wachezaji wa Yanga hasira ya kupambana ili kuhakikisha wanawapa furaha mashabiki wao August 13 kwenye mchezo wa Ngao ya Jamii dhidi ya Simba
