Kikosi cha Yanga kimekamilisha ratiba ya mechi mbili za ugenini mkoani Arusha kibabe kwa kushinda mechi zote
Yanga wamerejea jijini Dar es salaam na alama sita baada ya kushinda michezo dhidi ya Polisi Tanzania na Coastal Union
Wananchi wa Arusha walikuwa bega kwa bega na timu yao kuhakikisha wanavuka salama katika michezo hiyo miwili ya mwanzo wa msimu
Wakati wachezaji walioitwa timu ya Taifa wakielekea moja kwa moja kambini kujiunga na wenzao walioanza maandalizi ya mchezo wa kuwania kufuzu CHAN dhidi ya Uganda, nyota wengine wataendelea na maandalizi kwa takribani wiki mbili kabla ya mchezo unaofuata ligi kuu dhidi ya Azam Fc ambao utapigwa Septemba 06 katika uwanja wa Benjamin Mkapa
Baada ya mchezo huo Wananchi watasafiri nchini Sudan kuwafuata Zalan Fc kwa ajili ya mchezo wa mkondo wa kwanza hatua ya awali michuano ya ligi ya mabingwa barani Afrika
