Winga wa Yanga Jesus Moloko anaweza kurejea kikosini mapema kabla ya mchezo wa ligi kuu dhidi ya Azam Fc ambao utapigwa Septemba 06 katika uwanja wa Benjamin Mkapa
Moloko alipata majeraha kwenye mchezo wa ligi kuu dhidi ya Coastal Union, mchezo uliopigwa mkoani Arusha
Kocha Mkuu wa Yanga Nasreddine Nabi amesema Moloko ameendelea kuimarika, matumaini ni makubwa ataiwahi Azam Fc
"Moloko anaendelea vizuri nafikiri anaweza kuwa sehemu ya kikosi kitakachocheza mchezo wetu ujao kama mambo yataenda kama yalivyo sasa"
"Kuna umuhimu wachezaji kubadilika, nafahamu kila mchezaji anaipigania timu yake ishinde lakini hakuna uhusiano wa kukamia kumuumiza mwenzako," alisema Nabi
Katika mchezo dhidi ya Coastal Union ambao Yanga iliibuka na ushindi wa mabao 2-0, Moloko na Yannick Bangala walifanyiwa rafu mbaya ambazo zilipelekea kupata majeraha
Bangala aliweza kumaliza mchezo huo lakini Moloko alitoka na nafasi yake kuchukuliwa na Dickson Ambundo
