Kabla ya msimu huu kuanza tetesi zilikuwa nyingi kumuhusu winga Jesus Moloko kuwa pengine angetolewa kwa mkopo
Hata hivyo dakika 45 za mchezo wa Ngao ya Jamii dhidi ya Simba zilitosha kuwakumbusha Wananchi yule Moloko aliyesajiliwa msimu uliopita
Moloko ni kama amepindua meza akiwa tayari ametoa pasi moja ya bao lililofungwa na Bernard Morrison katika mchezo wa ligi kuu dhidi ya Coastal Union ambao Yanga iliibuka na ushindi wa mabao 2-0
Katika mchezo huo Moloko alipata majeraha na kuwapa hofu Wananchi kuwa pengine angekaa nje kwa muda mrefu
Habari njema ni kuwa Moloko tayari amerejea uwanjani akiendelea na maandalizi kuelekea mchezo dhidi ya Azam Fc ambao utapigwa Septemba 06 katika uwanja wa Benjamin Mkapa
Ni huyu huyu Moloko aliyewaliza Azam fc msimu uliopita akifunga bao la pili katika ushindi wa mabao 2-0 kwa Yanga
Alipiga bao la 'kideoni' ambalo kabla Yanga wlaipiga pasi takribani 22. Septemba 06 Azam wanaye tena!
