Klabu ya Yanga na kampuni ya GSM, leo wamesaini mikataba minono ya udhamini na utengenezaji wa jezi kwa kipindi cha miaka mitano. Mikataba yote miwili ina thamani ya TSh Bilioni 10.9
Mkataba wa utengenezaji wa jezi na vifaa vya michezo vyenye nembo ya klabu ya Yanga wenye thamani ya Tsh Bilioni 1.5 kwa mwaka, utaingizia Yanga Tsh Bilioni 9.1 katika kipindi cha miaka mitano
Mkataba wa udhamini kupitia GSM foam/Max wenye thamani ya Tsh Milioni 300 kwa mwaka utaiingizia Yanga Tsh Bilioni 1.8 katika kipindi cha miaka mitano
Akizungumza katika hafla ya utiaji saini uliofanyika Serena Hotel mapema leo, Rais wa Yanga Injinia Hersi Said amesema mahusiano mazuri kati ya Yanga na GSM yamepelekea kusainiwa kwa mikataba hiyo
Hersi amemshukuru Rais wa Makampuni ya GSM Ghalib Said Mohammed kwa kuwa sehemu ya mafanikio ya Yanga tangu tangu nyakati ngumu
Hersi amewataka Wanachama na Mashabiki wa Yanga kuiunga mkono GSM kwa kununua bidhaa zao mbalimbali
