Kamati ya Sheria na Hadhi za Wachezaji ya Shirikisho la Mpira wa Miguu Tanzania (TFF) imepitisha usajili wa winga Tuisila Kisinda kuichezea Yanga baada ya mabingwa hao wa Tanzania Bara kufanikiwa kumuhamisha mshambuliaji Lazarus Kambole
Taarifa iliyotolewa na TFF mapema leo imabainisha kuwa awali Kamati ilizuia usajili wa Kisinda licha ya kuwa ulifanyika ndani ya dirisha la usajili kwa vile tayari Yanga ilikuwa na wachezaji 12 wa kigeni
Licha ya changamoto hiyo, pia Kisinda aliombewa hati ya uhamisho wa kImataifa (ITC) ambayo tayari imepatikana
Hivyo kwa kumuhamisha Kambole, Yanga imepata nafasi ya kumsajili Kisinda kama ilivyokuwa imeshauriwa huko nyuma
Kwa mujibu wa kanuni ya 62(1) ya ligi kuu toleo la 2022, klabu inaruhusiwa kusajili wachezaji 12 wa kigeni
Kambole amejiunga na timu ya Wakiso Giants inayocheza ligi kuu ya Uganda na tayari TFF imetoa ITC yake
