Mshambuliaji Fiston Mayele ndio habari ya mjini kwa sasa akiendeleza kasi ya kupachika mabao aliyoanza nayo msimu huu
Jana Mayele alifikia rekodi iliyowahi kuwekwa na Mrisho Ngasa mwaka 2014 akifunga hat-trik mbili katika mechi za mtoani ligi ya mabingwa dhidi ya timu moja
Ngasa aliwapiga Komorozani mabao sita nae Mayele akawapiga Zalan Fc mabao sita
Katika michezo saba iliyopita Mayele ameweka kambani mabao 11. Mchezo pekee ambao hakutetema msimu huu ni dhidi ya Azam Fc
Aliwafunga Simba mabao mawili katika mchezo wa Ngao ya Jamii, akafunga bao moja katika kila mchezo wa ligi kuu dhidi ya Polisi Tanzania, Coastal Union na Mtibwa Sugar
Kwa hakika huu unaweza kuwa msimu bora sana kwa Mayele kutokana na kasi aliyoanza nayo
Ni habari mbaya kwa timu zinazokutana na Yanga kwani wanaangukia mikononi mwa Mayele mwenye kiu ya kutetema katika kila mchezo
