Kaimu Mtendaji Mkuu wa Yanga Simon Patrick amesema watu 470 wamejitokeza kuwania nafasi mbalimbali za ajira zilizotangazwa na Yanga August 13 2022
Nafasi zinazowaniwa ni Mtendaji Mkuu, Mkurugenzi wa Fedha, Mkurugenzi wa Habari, Meneja Mahusiano, Afisa Habari, Meneja Miradi na Daktari wa timu ambapo mwisho wa kuomba nafasi hizo ilikua tarehe 18/08/2022
"Maombi 470 yalitumwa, Kamati ya usahili ilipitia majina yote na kufanya mchujo kwa kuzingatia sifa na kuja na orodha ya jumla ya watu 47. Kamati ya Usahili ilikaa siku ya Ijumaa na Jumamosi kwa maana ya tarehe 16 na 17 mwezi September 2022 na kufanya usahili wa watu wote 47"
"Leo secretariat itapokea ripoti ya usahili huo, itaipitia na kuhakikisha kuja kufika Ijumaa hii wale wote waliofanikiwa kwenye mchakato huo wanataarifiwa rasmi na mambo mengine ya kiutawala yanakamilika"
"Muda wowote kuanzia hapo umma utataarifiwa safu mpya ya Menejimenti ya Yanga," alisema Simon
