Klabu ya Yanga imemtambulisha rasmi Mzambia Andrey Mtine kuwa Mtendaji Mkuu wa Yanga (CEO)
Akizungumza katika utambulisho wa bosi huyo mpya wa Yanga, Rais wa Yanga Injinia Hersi Said amesema Mtine amesaini mkataba wa miaka miwili
Hersi amesema wamemuajiri Mtine kutokana na uzoefu wake katika uongozi na usimamizi wa soka barani Afrika
Mtine amewahi kuhudumu kwenye nafasi mbalimbali za uongozi wa soka katika klabu za Nkana, Zesco United kule Zambia, CAF kama commisioner na TP Mazembe ambapo amefanya kazi katika klabu hiyo kwa miaka 12
Mtine amesema amejiunga na Yanga kutokana na historia ya klabu hiyo na anaamini ni nafasi kwake kutoa mchango wake katika kuhakikisha Yanga inafikia malengo yake
Katika hatua nyingine Yanga imetangaza kusajili Wanachama zaidi 40,000 huku ikizindua utaratibu wa kujisajili kidigitali kupitia website na App rasmi ya klabu ya Yanga
Kupitia Website na App, utaweza kujisajili kuwa Mwanachama na shabiki wa klabu ya Yanga na hivyo kuondoa ulazima wa kwenda kujisajili kwenye matawi
Kama huna 'Smart Phone' unaweza kujisajili kuwa Mwanachama au shabiki kupitia USSD
Kuhusu kadi, Injinia Hersi amesema changamoto ya ucheleweshwaji wa kadi imepatiwa ufumbuzi ambapo klabu imeleta printer za kisasa kutoka nje ya nchi ambazo zitaharakisha kuchapisha kadi
