Sasa hivi zile kauli za sijui beki mfupi, sijui hawezi kucheza mechi kubwa hazisikiki tena
Ni kwa sababu wale mabeki wafupi pale Yanga wamewaziba midomo kwa vitendo baadhi ya wachambuzi ambao wanauzungumza mpira wa miguu kwa nadharia tu pasipo kuufahamu vyema
Alianza Kibwana Shomari akawashughulikia wale wachezaji wao wote ambao walikuwa wakiwaamini
Kwa sasa hakuna maswali tena Kibwana anapoonekana kwenye kikosi cha Yanga, maswali huibuka pale anapokosekana
Dickson Job nae amewanyamazisha wakosoaji kwa kazi nzuri anayoendelea kuifanya katika kikosi cha Yanga
Unaweza kuwauliza mashabiki wa Simba wasikupe jibu kuwa jana mshambuliaji Moses Phiri aligusa mpira mara ngapi?
Ukweli ni kwamba Job alimficha na kwa hakika alikuwa na kiwango bora sana katika mchezo huo uliomalizika kwa matokeo ya sare ya bao 1-1
Ni bahati mbaya tu kuna wachezaji kama Job ambao hawazungumzwi sana pale wanapofanya vizuri, wale wakosoaji wanasubiri wakosee ndio wazungumze
Hili linatokea kwa wachezaji wengi wa Yanga, ni vyema kusifia pale inapostahili ili uwe na uhalali wa kukosoa pale inapostahili
