Rais wa klabu ya Yanga Injinia Hersi Said amesema kesho katika mchezo wa ligi kuu dhidi ya Geita Gold ambao utapigwa uwanja wa CCM Kirumba, ndio wataanza rasmi kampeni ya kutetea ubingwa waliotwaa msimu uliopita
Akizungumza leo Oktoba 28, 2022 jijini Mwanza katika mkutano na viongozi wa matawi Kanda ya Ziwa, Injinia Hersi alisema baada ya Simba kudondosha pointi jana, wanapaswa kuitumia vyema fursa hiyo kujiimarisha katika mbio za kuwania ubingwa
Injinia Hersi amewataka Wanachama na Mashabiki wa Yanga jijini Mwanza kuhakikisha timu inapata ushindi na kuendelea kujiimarisha kileleni mwa msimamo wa ligi
Hersi amesema timu inapofasiri mikoani ni jukumu la Wanachama na Mashabiki wa mkoa husika kuhakikisha wanatoa sapoti inayohitaji ili kupata matokeo mazuri
"Tuhakikishe kesho tunakaa pale juu kwa tofauti ya pointi sita, biashara ni asubuhi na huu ni mwanzo tukusanye zetu mapema wameshaanza kuangusha bingwa anaanzia hapa kwenye hizi pointi tatu za kesho"
"Tumekuja hapa kutafuta pointi tatu, hakuna kitakachotupa faraja kama pointi tatu na hizi alama tatu ziko mikononi mwenu"
"Viongozi wa matawi, timu hii nimeikabidhi kwenu na sisi tutasikiliza maelekezo kutoka kwenu nyinyi ndiyo mnajua vitu gani vinahitajika ili tupate ushindi"
"Hii siyo Yanga ya Injinia (Hersi Said) ni Yanga ya wana Yanga, tukija hapa tunakuwa wasikilizaji tunaomba ushirikiano wenu kuleta matokeo kwenye timu yetu," alisema Hersi
Nae Mwenyekiti wa Yanga tawi la Mwanza Mjini, Salehe Akida alimhakikishia Injinia Hersi kuwa asiwe na wasiwasi kwani Mwanza haijawahi kuwaangusha
