Kesho Jumanne Yanga itashuka uwanja wa Liti mkoani Singida kuikabili Dodoma Jiji katika mchezo wa ligi kuu ya NBC
Afisa Habari wa Yanga Ali Kamwe amesema katika mchezo huo watafanya matukio makubwa mawili
Kwanza ni kuendeleza utaratibu wa kuwapongeza wachezaji na benchi la ufundi baada ya kucheza mechi 47 pasipo kupoteza kwenye ligi kuu ya NBC
Tukio hilo litafanyika katika dakika ya 47 ya mchezo ambapo mashabiki wa Yanga watasimama kwa dakika moja kuwapigia makofi wachezaji na benchi la ufundi
Lakini pia tukio hilo litakwenda sambamba na pongezi kwa Mfadhili/Mdhamini wa klabu ya Yanga, Ghalib Said Mohammed 'GSM' ambaye juzi ilikuwa kumbukumbu ya siku yake ya kuzaliwa
Wananchi watatumia mechi dhidi ya Dodoma Jiji kumshukuru na kumtakia kila la kheri katika majukumu yake
GSM ndiye chachu ya furaha ya Wananchi kwa sasa, uwekezaji wake ndani ya klabu ya Yanga umekuja na mafanikio makubwa
