Kocha Mkuu wa Yanga Nasreddine Nabi amewapongeza wachezaji wake kwa kuibuka na ushindi wa mabao 2-0 dhidi ya Mbeya City katika mchezo wa ligi kuu uliopigwa uwanja wa Benjamin Mkapa jana
Licha ya changamoto ya ratiba, Nabi amesema wachezaji wake wameendelea kuonyesha nidhamu ya hali ya juu wakiipambania Yanga kuweza kupata ushindi
"Ukweli najivunia nidhamu ya wachezaji wangu katika mchezo huu, wamejituma na kujitolea, nawashukuru kwa ushindi huu. Wanastahili pongezi," alisema Nabi
Nabi amesema kutokana na ukaribu wa mechi wakicheza kila baada ya siku tatu, ataendelea kufanya mabadiliko ya kikosi ili kuhakikisha analinda afya za wachezaji wake pasipo kuathiri ubora wa timu uwanjani
Yanga itapumzika leo na kesho, siku ya Jumanne inakabiliwa na mchezo mwingine dhidi ya Ihefu Fc ambao utapigwa uwanja wa Sokoine
