Kocha Mkuu wa Yanga Nasreddine Nabi amewapongeza Ihefu Fc kwa ushindi wa mabao 2-1 dhidi ya Yanga
Nabi amesema Ihefu walicheza vizuri na walistahili ushindi mbele ya wachezaji wake ambao walionyesha kuchoka
Nabi amesema sio rahisi kwa mchezaji kucheza mechi nane ndani ya mwezi mmoja, ikiambana na safari za kutoka mkoa mmoja kwenda mwingine
Aidha Nabi amesema kupoteza mchezo huo kutawaondolea presha ya unbeaten na wana muda wa ku-recover katika mbio za ubingwa
"Nawapongeza Ihefu Fc kwa ushindi, walikuwa bora uwanjani na nidhamu yao ilikuwa nzuri. Hatukucheza vizuri. Nidhamu yetu ya mchezo haikuwa nzuri na miili ya wachezaji ina fatigue kubwa . Kuna wakati walikuwa hata wazito kukimbia"
"Ratiba imekuwa ngumu sana kiasi cha kuchosha wachezaji. Tumecheza takribani mechi 8 ndani ya mwezi mmoja na tuna safiri sana. Muda mwingi ni mazoezi basics na si ya kujenga miili na mifumo kutokana na muda"
"Wakati mwingine ni vyema kupoteza mechi baada ya kutofungwa kwa muda mrefu ili kuirudisha akili katika mfumo wa upambanaji. Kutofungwa muda mrefu pia huchangia kuleta pressure, ni vyema tumepoteza mechi bado mapema hivyo tutafanyia kazi makosa yetu na tutarudi upya uwanjani kwa kasi kubwa," alisema Nabi
