Yanga imekamilisha mechi 15 za duru ya kwanza ikiwa kileleni mwa msimamo wa ligi baada ya kufikisha alama 38
Moja ya maeneo ambayo Yanga imefanikiwa kuliko wapinzani wake ni timu kutokuwa tegemezi
Mkufunzi wa Yanga Nasreddine Nabi amefanikiwa kuifanya timu yake isiwe tegemezi kwa mchezaji mmoja
Fiston Mayele ndiye kinara wa mabao katika kikosi cha Yanga, akiwa amefunga mabao 10
Lakini zipo mechi Mayele hakucheza na Yanga ikapata ushindi pasipo wasiwasi
Yanga hii ya Nabi mabeki wanafunga, viungo na washambuliaji wanafunga
Safu ya Ulinzi ya Yanga ina mabao sita, Bakari Nondo Mwamnyeto akifunga mabao mawili kama ilivyo kwa Yannick Bangala
Pia Kibwana Shomari na Djuma Shabani nao wamefunga bao moja kila mmoja
Katika eneo la kiungo Feisal Salum ana mabao matano, Stephane Aziz Ki ana mabao mawili
Wakati mawinga Bernard Morrison ana mabao mawili na Tuisila Kisinda akiwa na bao moja. Clement Mzize nae ana bao moja katika eneo la ushambuliaji
Katika eneo la usaidizi wa mabao, wachezaji 12 wa Yanga wameshiriki katika kufanikisha upatikanaji wa mabao 27 yaliyofungwa na Yanga kwenye duru ya kwanza
Takwimu hizi zinaonyesha kuwa Yanga inafanikiwa kama timu zaidi kuliko mchezaji mmoja mmoja
