Kikosi cha Yanga leo kitashuka uwanja wa Benjamin Mkapa kumenyana na Kurugenzi Fc katika mchezo wa kombe la Shirikisho la Azam (ASFC), raundi ya pili
Wakiwa mabingwa watetezi wa michuano hiyo, Wananchi watahitaji kuibuka na ushindi ili kukata tiketi kuelekea raundi ya tatu
Kurugenzi Fc wanashiriki ligi daraja la pili, matarajio ya mashabiki wa Yanga ni kuona timu yao inaibuka na ushindi mnono
Hata hivyo Wananchi hawapaswi kuwadharau wapinzani wao hao kwani wakati mwingine mchezo wa mpira wa miguu hutoa matokeo ya kustaajabisha
Wapinzani wake katika mbio za ubingwa Azam Fc na Simba wao walipata ushindi mnono katika mechi zao Azam Fc wakiwachabanga Malimao Fc mabao 9-0, Simba wakishinda 8-0 dhidi ya Eagles Fc
Ni wazi mashabiki wa Yanga nao watapenda kuona timu yao ikiibuka na ushindi mnono ingawa jambo muhimu zaidi ni ushindi ili kusonga mbele hatua inayofuata
Mchezo utapigwa kuanzia saa 1 usiku
