Kiungo mshambuliaji wa Al Ahly Luis Miquissone ambaye kwa sasa ametolewa kwa mkopo kunako klabu ya Abha ya Saudi Arabia, anahusishwa na mabingwa wa Tanzania, Yanga Sc
Miquissone aliondoka Tanzania misimu miwili iliyopita akijiunga na Al Ahly akitokea klabu ya Simba
Taarifa zake zimekuwa nyingi baada ya kudaiwa kutaka kuvunja mkataba wake na Al Ahly ili ajiunge na timu nyingine ambayo itamuhakikishia muda zaidi wa kucheza
Miquissone hafurahii maisha ya kutolewa kwa mkopo huko Arabuni klabu ya Abha
Baada ya Rais wa Yanga Injinia Hersi Said kurejea kutoka Qatar kushuhudia michuano ya kombe la Dunia, ndipo tetesi zilishika kasi
Mtu wa kwanza kufichua tetesi hizo ni aliyekuwa Msemaji wa Yanga Haji Manara ambaye alimpost Miquissone kwenye ukurasa wake wa mtandao wa Instagram
Wengi wanakumbuka hata usajili wa Stephane Aziz Ki, aliyeanza kutupia picha katika mitandao ya kijamii alikuwa Manara
Taarifa za ndani zimebainisha kuwa Injinia Hersi alifanya mazungungo na Miquissone na wawakilishi wake hivyo lolote linaweza kutokea lakini uwezekano wa yeye kuachana na Abha ni mwishoni mwa msimu huu
Hivyo kama Yanga itafanikiwa kumsajili, ni kwa ajili ya kumtumia msimu ujao
