Aziz Ki ajifua na Asec Mimosas

Kiungo mshambuliaji wa Yanga Stephane Aziz Ki yuko nchini Ivoery Coast kwa ajili ya mapumziko ya muda mfupi

Wachezaji wote wa Yanga ambao hawakushiriki michuano ya kombe la Mapinduzi walipewa mapumziko ya siku 10 wakati wale walioshiriki kombe la Mapinduzi wakipewa siku tano za mapumziko

Aziz Ki ametumia muda wake wa mapumziko vyema akifanya mazoezi na klabu ya Asec Mimosas, mabingwa wa Ligi Kuu ya Ivoery Coast

Aziz Ki alisajiliwa na Yanga akitokea klabu hiyo msimu uliopita

Wachezaji wa Yanga wanatarajiwa kurejea kambini siku ya Alhamisi Januari 12 ambapo nyota ambao hawakushiriki kombe la Mapinduzi wakitarajiwa kuripoti siku hiyo huku wenzao waliokuwa Zanzibar kwenye Mapinduzi Cup wakiongezewa siku moja zaidi ya mapumziko