Kikosi cha Yanga leo majira ya saa 12:30 jioni litashuka uwanja wa Benjamin Mkapa kuikabili Ihefu Fc katika mchezo wa ligi kuu ya NBC
Ni mchezo wa kwanza wa ligi kwa Yanga kwa mwaka 2023 ukiwa mchezo wenye umuhimu wa kipekee kwa Wananchi
Yanga inazihitaji alama zote tatu ili kuendelea kujichimbia kileleni mwa msimamo wa ligi
Lakini pia ni mchezo ambao Yanga itaingia ikiwa na kumbukumbu ya kupoteza mchezo wa duru ya kwanza dhidi ya Ihefu Fc
Kocha Msaidizi wa Yanga Cedric Kaze amesema lengo lao kuu ni kushinda mchezo huo pasipo kujali watafunga mabao mangapi
Katika mchezo huo Yanga itawakosa baadhi ya wachezaji wake wa kikosi cha kwanza kutokana na sababu mbalimbali
Zawadi Mauya, Aboutwalib Mshery na Yannick Bangala ni majeruhi wakati Bernard Morrison na Stephane Aziz Ki walipewa ruhusa kusafiri kutokana na matatizo ya kifamilia
Habari njema kwa Wananchi ni ongezeko la nyota wapya kikosini Mudathir Yahya na Kannedy Musonda ambao walishiriki kikamilifu mazoezi ya mwisho kuelekea mchezo huo
