Yanga Princess dimbani dhidi ya Ceasiaa Queens

Kinadada wa Yanga Princess wako mkoani Iringa ambapo jioni ya leo watakuwa dimbani kuwakabili Ceasiaa Queens katika mchezo utakaopigwa uwanja wa Mkwawa

Yanga Princess inayonolewa na kocha Sebastian Nkoma iliweka kambi ya siku tatu mkoani Iringa wakitokea Dodoma ambako walipata ushindi wa mabao 2-1 dhidi ya Baobab Queens

Yanga Princess inashika nafasi ya tatu kwenye msimamo wa ligi kuu ya Wanawake wakiwa na alama 10 kutoka mechi tano

Msimu huu kinadada Wananchi wamepania kutwaa ubingwa kwa mara ya kwanza

Timu hiyo inayosimamiwa na Makamu wa Rais wa Yanga Arafat Haji ina kila sababu ya kutwaa ubingwa kwani hata usajili uliofanyika ni wa Kimataifa