Clement Mzize ndiye kinara wa mabao kwa kikosi cha Yanga katika michuano ya kombe la Shirikisho la Azam (ASFC) akiwa amefunga mabao manne
Yuko nyuma kwa tofauti ya bao moja dhidi ya Andrew Simchimba wa Ihefu Fc anayeongoza orodha ya wafungaji kwenye michuano hiyo akiwa na mabao matano
Mzize leo huenda akapewa majukumu ya kuiongoza safu ya ushambuliaji kwenye mchezo raundi ya nne michuano hiyo dhidi ya Tanzania Prisons. Mchezo huo utapigwa uwanja wa Azam Complex, saa 1 usiku
Kocha Mkuu wa Yanga Nasreddine Nabi huenda akafanya mabadiliko ya kikosi chake kwa kuwapa nafasi nyota wengine ambao hawakutumika katika mchezo uliopita kombe la Shirikisho dhidi ya Real Bamako
Ikumbukwe siku ya Jumatano, March 08 Yanga inakabiliwa na mchezo wa pili dhidi ya Real Bamako ambao utapigwa uwanja wa Benjamin Mkapa
Hii ni mechi ambayo Yanga inahitaji kushinda ili kuweka hai matumaini ya kufuzu robo fainali
Nabi alimpandisha Mzize kwenye kikosi cha kwanza mwanzoni mwa msimu akitokea timu ya vijana. Amepachika mabao saba katika mashindano yote
