Makamu wa Rais wa Yanga Arafat Haji amesema kama nchi tunapaswa kumshukuru Mwenye ez Mungu kwa kuweza kufikia mafanikio haya baada ya kuishuhudia Yanga ikitinga nusu fainali ya kombe la Shirikisho barani Afrika
Arafat amesema ilikuwa shauku kwa nchi kuona timu zetu zinakuwa na nafasi ya kufika katika hatua hizi
"Kila Mtanzania anayeipenda hii nchi yetu Tanzania tunapaswa kumshukuru Mungu kwa hatua ambayo ametufikisha leo kwa Yanga SC kutinga hatua ya Nusu Fainali ya Kombe la Shirikisho Afrika"
"Hizi ndizo hatua ambazo kwa Utaifa wetu tulikuwa tunatamani kuziona kwa miaka mingi. Nirudi kwa Wanayanga wenzangu nawapongeza kwa muitikio wenu wa kishindo kwenye mchezo wa leo (jana), mmekuja kwa namba kubwa mkawapa nguvu wachezaji wenu muda wote wa mchezo na hatimae kwa pamoja tukaulinda ushindi wetu wa ugenini vizuri na kutinga hatua hii kubwa kwenye historia ya maisha yetu"
"Wachezaji wetu,makocha wetu Hawa ni mashujaa ambao jasho lao na maarifa yao yataandikwa kwenye kila kitabu cha kumbukumbu isiyofutika kirahisi"
"Viongozi wenu tuliishi na ndoto hizi na Sasa imekuwa, kazi haijaimalizika, kila mmoja wetu aanze kujipanga na mchezo wa Nusu fainali huku tukiendelea na mashindano ya ndani"
"Sio kila mmoja anafurahia mafanikio haya tukasahau kuna makombe yetu mawili ya ndani bado hayajaingia ndani tugeukie kwa kishindo na huko. Nawakumbusha Wananchi Kuna kufuzu kiume na kutolewa kiume sijui sisi tuko wapi na wao wako wapi…..?," aliandika Arafat kwenye ukurasa wake wa mtandao wa kijamii
