Baada ya kufanikiwa kuvunja rekodi yake mwenyewe, mlinda lango wa Yanga Djigui Diarra amesema anafurahi kuendelea kuimarika huku akitaja siri, ni kuzoea ligi na ubora wa safu yake ya ulinzi
Diarra raia wa Mali amefikisha clean sheet ya 16 akizidi moja tu ya msimu uliopita ambao alimaliza na 15, zimebaki mechi tatu kwa kila timu ili kukamilisha msimu tayari amejihakikishia kushinda tuzo ya kipa bora wa msimu kutoka na na kuwa na clean sheet 16 hadi sasa ambazo haziwezi kufikiwa na kipa yeyote.
"Nafikiri pia nimeshazoea ligi ya Tanzania msimu wangu wa kwanza kucheza nilifanya vizuri na naendelea kufanya hivyo, sio rahisi ni juhudi binafsi na kusaidiwa na ukuta imara unaojengwa na timu yetu"
"Kilicho fanyika msimu huu kufikisha clean sheet 16 nikiwa na mechi tatu mkononi natamani pia msimu ujao niendelee kupanda juu ya hapo na sio kuteremka kwani kuwa bora langoni kunaniongezea sifa zaidi kwenye ligi ya Tanzania," alisema Diarra
