GSM aongeza mzuka Afrika Kusini

Mdhamini/Mfadhili wa Yanga Gharib Said Mohammed 'GSM' amewasili Afrika Kusini akiungana na viongozi wengine kuelekea mchezo wa mkondo wa pili nusu fainali ya kombe la Shirikisho la CAF dhidi ya Marumo Gallants

GSM aliwasili jana akiungana na Rais wa Yanga, Hersi Said na Makamu wake Arafat Haji ambao walitangulia na timu

 Viongozi wengine waliotangulia ni pamoja na wajumbe wa kamati ya Utendaji Munir Said, Alexander Ngai na Yanga Makaga ambaye aliwasili leo

Yanga itacheza mchezo wa nusu fainali ya Kombe la Shirikisho Afrika Mei 17 mwaka huu dhidi ya wenyeji wao Marumo Gallants utakaoamua nani atinge fainali, huku Yanga wakiwa na faida ya ushindi wa mabao 2-0 walioupata jijini Dar es Salaam wiki iliyopita