Kocha Mkuu wa Yanga Miguel Angel Gamondi amesema ana furaha kujiunga na moja ya timu kongwe na kubwa barani Afrika na yenye mashabiki wengi
Gamondi amesema ni matumaini yake kwa ushirikiano na wachezaji, benchi la ufundi, viongozi na mashabiki, mafanikio yataendelea Jangwani
Gamondi raia wa Argentina alitangazwa jana kwenye Mkutano Mkuu wa Wanachama akichukua nafasi ya Nasreddine Nabi ambaye anatajwa kuwa mbioni kujiunga na Kaizer Chiefs
"Nimekuwa nikifundisha kwa zaidi ya miaka 20 barani Afrika. Nilifundisha vilabu vikubwa kama CR Belouizdad, Sundowns, ES Tunis na Wydad. Nilikuwa na bahati ya kupata matokeo mazuri na mafanikio pamoja nao"
"Nafurahi kujiunga na Yanga. Kwangu mimi, ni klabu kubwa yenye mashabiki wengi na historia. Ni moja ya klabu kubwa barani Afrika"
"Ninaamini, ikiwa tunaweza kufanya kazi pamoja; mashabiki, menejimenti, wachezaji na wafanyakazi wa kiufundi tunaweza kuendelea kuleta mafanikio na mafanikio makubwa zaidi," alisema
Gamondi anakuwa Kocha wa pili kutoka Amerika Kusini kuinoa klabu ya Yanga baada ya Marcio Maximo
