Afisa Habari wa Yanga Ali Kamwe amesema taarifa zinazodai Yanga imefungiwa kusajili hazina ukweli wowote
Kamwe amewataka Wanachama na Mashabiki wa Yanga wasiyumbishwe na taarifa za upotoshaji zinazosambazwa mitandaoni kila kukicha kwa sababu wanaofanya kazi hiyo wanaumizwa na mafanikio ya Yanga
"Mashabiki na Wanachama wetu waelewe, mafanikio ya timu yetu yanawaumiza wengi. Hizo taarifa zinazosambazwa kuwa Yanga imefungiwa usajili ni za uongo"
"Tuweke nguvu katika mambo muhimu yanayokuja mbele yetu. Tunaelekea kuzindua jezi, tunajiandaa na pre season na usajili mkubwa," alisema Kamwe
Yanga imewahi kukiri kudaiwa na Kocha wake wa zamani Lucy Eymael ambaye walimvunjia mkataba misimu miwili iliyopita baada ya kutoa lugha za kibaguzi
Kuna makubaliano yaliwekwa kwa Yanga kulipa deni la Kocha huyo, malipo yanafanyika kwa awamu
