Yanga, Moro Kids kushirikiana

Klabu ya Yanga leo imeingia makubaliano ya ushirikiano na kituo cha kukuza vipaji Moro Kids kutoka mkoani Morogoro

Ushirikiano huo utashuhudia Yanga ikisimamia masuala mbalimbali kama kujenga uwezo kitaaluma, vifaa vya michezo, uwezeshaji wa kiuchumi na kubadilishana uzoefu

Yanga pia itawajibika kuwatafutia soko wachezaji wanaozalishwa na kituo hicho

Yanga ni miongoni mwa timu zilizonufaika na wachezaji kutoka kituo hicho. Ushirikiano huo utaifanya Yanga kuwa daraja kwa vijana wenye vipaji kutoka mkoani Morogoro

Kibwana Shomari, Nickson Kibabage, Dickson Job na Aboutwalib Mshery ni miongoni mwa wachezaji waliowahi kupita katika kituo hicho