Yanga vs Namungo Fc kupigwa Septemba 20

Bodi ya Ligi Kuu imeupangia tarehe mchezo dhidi Namungo Fc ambao ulisogezwa mbele kupisha kalenda ya mashindano ya CAF na FIFA

Kulingana na taarifa iliyotolewa na TFF mapema leo, mchezo huo utapigwa Septemba 20 katika uwanja wa Azam Complex

Hata hivyo tarehe hiyo inaweza kubadilika kama CAF itathibitisha uwepo wa mechi za mashindano ya CHAN yanayohusisha wachezaji wa ndani

Kulingana na kalenda ya CAF, mechi hizo zinapaswa kuanza mwishoni mwa mwezi Septemba 2023

Bodi pia imeipangia tarehe michezo mingine ambayo pia ilisogezwa mbele