Meneja wa Habari na Mawasiliano klabu ya Yanga Ali Kamwe amesema mpaka sasa mabasi 50 yamethibitishwa yatasafirisha mashabiki wa Yanga nchini Rwanda kushuhudia mchezo wa mkondo wa kwanza kuwania tiketi ya kutinga hatua ya makundi Ligi ya Mabingwa dhidi ya Al Merrikh
Aidha Kamwe amesema msafara wa mashabiki unaoanzia jijini Dar es salaam utaondoka nchini Alfajiri ya kuamkia kesho Alhamisi
"Mpaka wakati tunafunga zoezi la kuandikisha mashabiki wanaosafiri Rwanda, mabasi 50 nchi nzima yatasafirisha mashabiki nchini Rwanda"
"Kwa msafara unaoanzia safari Dar es salaam wafahamu kuwa muda wa safari ni saa 9 usiku wa kuamkia kesho Alhamisi"
"Kila mwananchi anayesafiri kwenda Rwanda ahakikishe ana nyaraka muhimu zitakazomruhusu kuingia Rwanda, tutafanya ukaguzi kabla ya kuanza safari ili kuepuka usumbufu unaoweza kujitokeza," alisema Kamwe
Viingilio vya mchezo huo utakaopigwa Jumamosi, Septemba 16 tayari vimetangazwa ambapo tiketi zinapatikana mtandaoni
VIP ni Tsh 104,000/-, Daraja la kati ni Tsh 52,000/- na Kawaida ni Tsh 20,900/-
Kamwe amewahakikishia mashabiki wote wanaosafiri nchini Rwanda wataingia uwanjani kushuhudia mchezo huo akikanusha uvumi kuwa Al Merrikh hawakuwa na mpango wa kuruhusu mashabiki
