Rais wa Yanga Injinia Hersi Said amesema wachezaji leo wana kazi moja tu, kuwapa furaha mashabiki wao katika mchezo wa mkondo wa kwanza kuwania tiketi ya kutinga hatua ya makundi ligi ya mabingwa dhidi ya Al Merrikh
Hersi amesema Yanga haiko Rwanda kutalii, bali iko kwa ajili ya kusaka ushindi
Hersi amesema mashabiki wa Yanga waliobaki Tanzania kila mmoja kwa imani yake waendelee kuiombea timu uongozi ukiahidi leo itakuwa siku ya furaha kwao
"Yanga hatujaja hapa kufanya utalii, tumekuja kutafuta ushindi. Wapo watu wanaoweza kuomba dua ili tushinde, wafanye hivyo. Viongozi tupo kuhakikisha wachezaji wanatoa damu na jasho ili timu ishinde"
"Tunafahamu wachezaji siku hizi wanataka 'mzigo' ili wakimaliza shughuli uwanjani mifuko yao icheke. Tumejipanga na kila kitu kiko sawa, jukumu lao ni moja, kupambana uwanjani"
"Lakini pia tumesajili kikosi imara ili kitupe matokeo, haya mengine yote hayawezi kufanya kazi kama una timu mbovu. Chini ya uongozi wangu Yanga itaendelea kupanda tu! Mimi kama Rais wa klabu hii nawaambia hatuwezi kufeli," alisema Hersi
Muda wa mchezo ni saa 9 Alasiri kwa saa za Rwanda ambapo Tanzania ni saa 10 jioni
