Jana kikosi cha Yanga kilirejea mazoezi Avic Town na leo vijana wa Miguel Gamondi wanakamilisha maandalizi kuelekea mchezo wa ligi kuu dhidi ya Namungo Fc
Mchezo huo utapigwa kesho Jumatano katika uwanja wa Azam Complex
Baada ya ushindi wa mabao 5-0 katika mechi dhidi ya KMC na JKT Tanzania, Yanga imepania kuendeleza ubabe wake katika mchezo huo
Kabla ya msimu uliopita, Namungo Fc ilikuwa moja ya timu ngumu ambazo ziliwapa Wananchi wakati mgumu kwenye ligi
Hata hivyo msimu uliopita Namungo ilipoteza mechi zote mbili za ligi kuu dhidi ya Yanga na msimu huu pengine watakuwa na kazi ngumu zaidi mbele ya kikosi cha Gamondi
Ni mechi inayowakutanisha Wananchi na aliyekuwa kocha wao msaidizi Cedric Kaze ambaye kwa sasa ni mkufunzi wa Namungo
Wananchi wako tayari na wamemkaribisha Kaze Azam Complex wakimtahadharisha kuwa asije kichwa kichwa Chamazi, kwani kuna mnara wa 5G umesimikwa!
