Wakati baadhi ya timu ambazo zilifanya usajili wa mbwembwe katika dirisha lililopita zikiendelea kuomba wachezaji wake waendelee kupewa muda, hali ni tofauti kwa nyota waliosajiliwa na Yanga
Katika takwimu za wachezaji waliofanya vizuri mpaka sasa msimu huu, Yanga ina nyota wake wengi wamejipambanua kwa ubora wao
Ukizungumzia vinara wa kutoa pasi za mabao, Yao Kouassi anaongoza akiwa na assist 3, lakini katika orodha hiyo pia wamo Maxi Nzengeli na Pacome Zouzoua wenye assist mbili kila mmoja
Ukizungumzia vinara wa kupachika mabao, Maxi, Pacome kila mmoja amefunga mabao matatu wakati Hafiz Konkoni, Yao wakiwa wamepachika bao moja kila mmoja
Unaweza kusema ni wachezaji wawili tu Skudu Makudubela na Gift Fred ambao bado hawajaonekana vya kutosha kutokana na ushindani uliopita
Skudu alikuwa nje kwa muda mrefu kutokana na majeruhi, taratibu ameanza kutumika huku Fred akiendelea kupatiwa nafasi kadiri yanapotokea mahitaji
Yanga ina safu bora ya ulinzi, Fred ana kazi kujihakikisha nafasi ya kucheza mbele ya Bakari Mwamnyeto, Dickson Job na Ibrahim Bacca
