Kiungo mshambuliaji wa Yanga Stephane Aziz Ki msimu huu amepania kuwaziba midomo wale wote waliokuwa wanahoji ubora wake msimu uliopita
Achana na idadi ya mabao matatu aliyofunga kwenye ligi pamoja na pasi yake moja ya bao, Aziz Ki ndiye kiungo mshambuliaji mwenye takwimu bora zaidi kulinganisha na wachezaji wengine wanaocheza katika nafasi yake
Nyota huyo raia wa Burkina Faso, amepiga jumla ya mashuti 11 yaliyolenga lango, matatu yakijaa kambani
Ametengeneza nafasi 7 huku akipiga pasi muhimu 10 za kuwafungua wapinzani
Ki ameingia kwenye eneo la wapinzani mara nyingi akigusa mipira mara 15 katika eneo hilo
Katika kikosi cha kocha Miguel Gamondi, Aziz Ki ni mchezaji mwenye uhakika wa kuanza katika kila mechi
Kwa hakika Aziz Ki atakuwa 'funguo' muhimu kwa Yanga kwenye hatua ya makundi ya michuano ya ligi ya mabingwa barani Afrika
