Kiungo wa Yanga, Khalid Aucho jana hakuwa sehemu ya kikosi kilichoivaa Singida Big Stars katika mchezo wa ligi kuu ya NBC uliopigwa uwanja wa Benjamin Mkapa na Yanga kuibuka na ushindi wa mabao 2-0
Kocha Mkuu wa Yanga Miguel Gamondi aliamua kumpa mapumziko Aucho huku nafasi yake ikichukuliwa na Zawadi Mauya aliyeonyesha kiwango bora sana katika mchezo huo
Aucho ana kadi mbili za njano, kama angetumika jana kulikuwa na hatari ya kuonyeshwa kadi ya tatu na hivyo angekosa mchezo dhidi ya Simba
Gamondi amepania kuchukua alama zote tatu dhidi ya Simba ili kuhakikisha Wananchi wanaianza safari ya ubingwa wa tatu mfululizo
Gamondi amesisitiza kuwa baada ya kupoteza mchezo dhidi ya Ihefu Fc, hawapaswi kupoteza mchezo mwingine wowote msimu huu
Katika mchezo dhidi ya Singida BS Gamondi alianza na kipa Dijgui Diarra, Attoula Yao, Joyce Lomalisa, Bakari Mwamnyeto, Dickson Job, Zawadi Mauya, Mazi Zingeli, Mudathir Yahya, Stephan Aziz Ki, Konkoni na Pacome Zouzoua
