Mudathir kuwakabili Simba Jumapili

Kiungo Mudathiri Yahya atakuwa sehemu ya mpango wa mechi dhidi ya Simba ambayo itapigwa Jumapili Novemba 05 katika uwanja wa Benjamin Mkapa

Kulikuwa na hofu juu ya hatma ya Mudathir baada ya tukio la kutosalimiana na wachezaji wengine kwenye mchezo dhidi ya Azam Fc, yeye na Feisal Salum wakichelewa kuingia uwanjani

Kamati ya Uendeshaji na Usimamizi wa Ligi ya Bodi ya Ligi Kuu, imemtoza Mudathir faini ya Tsh Miloni 2 kutokana na tukio hilo

Aidha mwamuzi msaidizi namba moja wa mchezo huo Janeth Balama ameondolewa kwenye ratiba ya waamuzi kwa mizunguuko mitatu kwa kosa la kushindwa kutafsiri vyema sheria za mpira wa miguu

Yanga iliibuka na ushindi wa mabao 3-2 katika mchezo dhidi ya Azam Fc uliopigwa uwanja wa Benjamin Mkapa, Oktoba 23 2023