Unakumbuka mchezo uliopita dhidi ya Azam Fc ambao ulipigwa uwanja wa Benjamin Mkapa Yanga ikiibuka na ushindi wa mabao 3-2?
Kocha wa Azam Fc Yousuph Dabo katika moja ya clip za video alionekana akiwaelekeza wachezaji wake wamkabe mchezaji mwenye nywele zenye rangi (alionyesha kwa vitendo)
Alimaanisha Pacome Zouzoua 'Profesa' kwani aliwaweka katika wakati mgumu kila aliposhika mpira
Huyu Pacome hakuwa mchezaji bora wa ligi kuu ya Ivory Coast msimu uliopita kwa bahati mbaya
Pengine katika mchezo dhidi ya Simba jana, Pacome alistahili kuondoka na tuzo ya mchezaji bora wa mechi
Wengi walitamani mkwaju wa penati uliopatikana kwenye dakika ya 86 angepiga Maxi Nzengeli mwenyewe ili kuifikia rekodi ya Mzee Abdallah Kibadeni mchezaji pekee aliyewahi kufunga hat-trik katika mchezo wa derby
Mkwaju huo wa penati akapewa Pacome, naamini wachezaji wenzake walimpa kwa heshima ya kiwango bora alichoonyesha kwenye mchezo huo
Msimu huu Pacome amefunga mabao manne na kutoa pasi moja ya bao kwenye ligi kuu
MAP imeendelea kun'gara sasa ikihusika katika mabao 18 ya Yanga msimu huu
Max aliweka kambani mabao mawili jana akifikisha mabao saba sawa na Stephane Aziz Ki aliyefunga bao moja na kutoa assist moja
