Kwa sasa mshambuliaji kinda Clement Mzize amekomaa na tayari kupewa majukumu makubwa katika michuano ya ligi ya mabingwa barani Afrika kuanzia hatua ya makundi
Kocha Mkuu wa Yanga Miguel Gamondi hana la zaidi ya kumuamini Mzize kwani amedhihirisha, uwezo wa kuongoza safu ya ushambuliaji anao
Mzize alikuwa kinara wa kupachika mabao kwenye hatua za awali ligi ya mabingwa akifunga mabao matatu
Alifunga bao moja katika mchezo dhidi ya Asas Fc pia akafunga katika mechi zote mbili dhidi ya Al Merrikh
Kiwango bora alichoonyesha katika mechi mbili zilizopita, kinamuweka katika nafasi nzuri ya kuanza mchezo dhidi ya CR Belouizdad siku ya Ijumaa mbele ya Kennedy Musonda na Hafiz Konkoni ambaye imekuwa ngumu kwake kupenya kwenye kikosi cha kwanza
Akiingia kutokea benchi, Mzize alitoa pasi mbili za mabao katika ushindi wa mabao 5-1 ambao Yanga waliupata dhidi ya watani zao Simba Novemba 05 na pia akafunga bao pekee la ushindi katika mchezo dhidi ya Coastal Union uliopigwa Tanga Novemba 08
Awapo uwanjani, Mzize anakuwa na muunganiko mzuri na viungo wa washambuliaji Pacome Zouzoua, Stephane Aziz Ki na Max Nzengeli (MAP) na mara nyingi amehusika katika upatikanaji wa mabao kwenye mechi za karibuni
