Kocha Mkuu wa Yanga Miguel Gamondi anatarajiwa kuelekea Zanzibar akiwa na kikosi chake kamili kushiriki michuano ya kombe la Mapinduzi inayoanza kutimua vumbi leo
Gamondi amesema baada ya ligi kusimama, michuano hii ataitumia kuwaweka wachezaji wake katika ubora akifahamu baada ya mashindano ya Afcon kumalizika ratiba itakuwa ngumu
Yanga itaondoka nchini Jumamosi Disemba 30 ikiwa na wachezaji wote ambao hawatakuwa kwenye majukumu ya timu za Taifa
"Tunahitaji kutumia michuano hii ili tuendelee kujiimarisha. Nafahamu tutakuwa na ratiba ngumu baada ya michuano ya Afcon kumalizika"
"Ligi, FA na Ligi ya Mabingwa mashindano yote yatapaswa kumalizika katika kipindi cha miezi mitatu hadi minne"
"Hatuwezi kuwa na mapumziko kwa sababu lazima tujiandae vyema," alisema Gamondi
Yanga ilirejea mazoezini juzi kujiandaa na michuano hiyo huku ikiwakosa wachezaji 13 ambao walijumuishwa katika vikosi vya awali vya timu za Taifa kwa ajili ya Afcon 2023
Wachezaji Stephane Aziz Ki na Djigui Diarra tayari wamejumuishwa kweny vikosi vya mwisho vya timu Mataifa ya Burkina Faso na Mali
Hafiz Konkoni, Pacome Zouzoea, Metacha Mnata, Aboutwalib Mshery, Nickson Kibabage, Dickson Job, Bakari Mwamnyeto, Ibrahim Hamad 'Bacca', Mudathiri Yahya na Clement Mzize bado wanasubiri mchujo wa mwisho katika mataifa yao
