Jumapili Disemba 31 Yanga itakuwa visiwani Zanzibar katika michuano ya kombe la Mapinduzi ikiumana na Jamhuri
Kabla ya mchezo huo kutakuwa na 'surprise' kwa Wananchi utambulisho wa Mwanafamilia mwingine aliyejiunga na Wananchi
Meneja wa Kitengo cha Habari na Mawasiliano klabu ya Yanga Ali Kamwe amesema tukio la utambulisho wa mchezaji hiyo litakuwa zaidi ya 'shoo' aliyofanya Diamond Platinumz kwenye uzinduzi wa New Amaan Stadium hapo jana
"Disemba 31 tunakwenda kutambulisha mchezaji mkubwa katika uwanja wa Amaan. Tunaweza kisema mchezaji huyu ni mgeni mwenyeji"
"Itakuwa surprise kubwa, mpaka wakati huu tunapozungumza tayari mchezaji yuko Zanzibar hivyo kwa wale wanahabari waliosubiri kwenda kuvizia pale bandarini tunawaambia wamechelewa"
"Huyu mwamba tulitaka kutambulisha Dec 29 lakini sasa baada ya ushauri wa Rais wa Yanga Injinia Hersi Said, utambulisho wake utakuwa zawadi kwa Wananchi wa Zanzibar, "alisema Kamwe
