Wachezaji kutoka visiwani Zanzibar wamekuwa na historia ya aina yake na klabu ya Yanga tangu zamani
Abdi Kassim 'Babi' ni miongoni mwa wachezaji waliojipatia heshima kubwa kipindi wanaitumikia Yanga
Babi aliitumikia Yanga kati ya mwaka 2007 na 2010 akicheza mechi 65 na kufunga jumla ya mabao 29
Wengi wanamkumbuka Babi kwa uwezo wake wa kupiga mashuti makali kupitia guu lake la kushoto
Mwaka 2017 Babi alikuwa mchezaji wa kwanza kufunga bao uwanja wa Benjamin Mkapa katika siku ya ufunguzi kwenye mchezo wa kirafiki kati ya Tanzania dhidi ya Uganda
Babi alipiga kombora akiwa karibu na mstari unaogawa uwanja na kombora hilo likaihesabia Tanzania bao pekee la mchezo huo
Hivi karibuni Yanga imemsajili kiungo kinda Shekhan Khamis kutoka klabu ya JKU ya Zanzibar
Shekhan anafananishwa na Babi kwa aina yake ya uchezaji na uwezo wake mkubwa wa kupiga mashuti
Akiwa na umri ya miaka 18 tu, Shekhan tayari ameanza kuwatisha walinda lango kutokana na makombora yanayotoka katika guu lake la kushoto
Katika mchezo wa robo fainali kombe la Mapinduzi ambao Yanga ilipoteza kwa kufungwa mabao 3-1, Shekhan alionyesha umahiri wake wa kuachia michomo mikali
Kama sio uhodari wa mlinda lango wa APR pengine angeweza kufunga bao kupitia moja ya mipira ya adhabu aliyopiga
Shekhan ni mchezaji mwenye kipaji kikubwa bila shaka atadhihirisha umahiri wake katika kikosi cha kocha Miguel Gamondi
