Uongozi wa Yanga umefungua mazungumzo na mlinzi wa kushoto Joyce Lomalisa Mutambala ili kumuongezea mkataba. Mkataba wake na awali unafikia tamati mwishoni mwa msimu huu
Lomalisa amekuwa mchezaji muhimu katika kikosi cha Yanga msimu huu, ni uamuzi sahihi kwa Yanga kumuongezea mkataba wakati huu kuliko kusubiri mwishoni mwa msimu kwani tayari kuna klabu zinamtolea macho
Lomalisa na Maxi Nzengeli ni Wacongomani pakee waliobaki kwenye kikosi cha Yanga baada ya Wananchi kuachana na Jesus Moloko katika dirisha dogo
Msimu wa 2019/20 Yanga iliwasajili Mukoko Tonombe na Tuisila Kisinda na msimu wa 2020/21 kuwasajili Fiston Mayele, Djuma Shaban, Yannick Bangala, Moloko na kumrejesha Heritier Makambo kabla ya kumuongeza Lomalisa katika dirisha dogo la msimu uliofuata huku ikiachana na Mukoko na Kisinda akielekea RS Berkane
Nyota hao walishiriki kikamlifu kuirejesha Yanga kwenye mwendo wa mataji lakini msimu uliopita Yanga ikaachana na Makambo, Bangala, Djuma na Mayele aliyeuzwa Pyramids, Kisinda akirudi tena Berkane baada ya kuitumikia Yanga kwa mkopo huku ikimsajili Maxi
Moloko ameondoka dirisha dogo sasa akiwaacha Maxi na Mutambala
