Mudathir Yahya ni mchezaji ambaye pengine hazungumzwi sana kama ilivyo kwa nyota wengine wa Yanga kama Stephane Aziz Ki, Pacome na hata Maxi Nzengeli
Lakini Mudathir ni mmoja wa wachezaji muhimu katika kikosi cha Yanga, ameendelea kuthibitisha hilo uwanjani
Ni mchezaji anayeweza kutumika kimkakati zaidi, alimtumia hivyo Nasreddine Nabi na hata Miguel Gamondi amekuwa akimtumia hivyo
Katika ligi kuu ya NBC msimu huu, Mudathir amepachika mabao manne, mabao yake matatu yalichangia alama tisa za Yanga. Ni katika zile mechi ambazo Wananchi walikuwa wamepoteza matumaini ya ushindi
Alifunga bao la ushindi katika mchezo dhidi ya Namungo Fc (dkk 85), akafunga dhidi ya Dodoma Jiji (dkk 86) na pia dhidi ya Mashujaa Fc (dkk 86) lakini pia alifunga bao dhidi ya KMC katik ushindi wa mabao 5-0
Mudathir pia ana bao moja kwenye michuano ya ligi ya mabingwa akifunga katika mchezo dhidi ya Medeama uliopigwa jijini Dar es saalaam Yanga ikiibuka na ushindi wa mabao 3-0
Mudathir ameeleza siri ya mafanikio yake ni kufuata maelekezo anayopewa na Walimu wake katika kiwanja cha mazoezi
Tangu ujio wa Gamondi Mudathir amejihakikishia nafasi kwenye kikosi cha kwanza akianza eneo la kiungo sambamba na Khalid Aucho
