Kiungo wa Yanga Mudathir Yahya amepewa jukumu la kubeba hamasa ya mchezo wa mkondo wa kwanza ligi ya mabingwa barani Afrika dhidi ya Mamelodi Sundowns utakaopigwa Jumamosi, March 30 katika uwwnja wa Benjamin Mkapa
Akizungumza katika Mkutano na Wanahabari mapema leo, Meneja wa Habari na Mawasiliano klabu ya Yanga Ali Kamwe amesema Jumamosi ni Muda Day simu ziite, tukutane kwa Mkapa!
"Kazi tuliyonayo sasa hivi ni kuwapigia simu watu wote tukutane kwa Mkapa. Tutawapigia simu watu wote wanaotaka na wasiotaka"
"Kama uko ofisini kuna simu ya ofisi itumie, piga kwa nmtu yoyote mwambie wewe unahitajika kwa Mkapa"
"Pigia simu mtu yoyote awe shabiki wa Yanga, awe shabiki wa Azam, awe shabiki wa Mtibwa au timu yoyote, mpigie simu waambieni wanahitajika kwa Mkapa"
"Jumamosi ni siku yetu Wananchi, tutakwenda kumuonyesha Mamelodi kuna pande anaweza kutamba lakini sio pande ambazo sisi Yanga tumo"
"Ni uwanja wetu, ni ardhi yetu na timu yetu, tutakwenda kutamba sisi katika uwanja wa Benjamin Mkapa"
"Nawakaribisha Wanayanga mapema kabisa mje uwanja wa Benjamin Mkapa, mimi nitakuwa mtu wa kwanza kuingia uwanjani mapema baada ya mageti kufunguliwa. Njooni mapema tujadiliane kabla ya mechi"
"Utaratibu wa futari kwa wale walio katika mfungo umeandaliwa, njooni mapema, kutakuwa na burudani nyingi za kuwfanya mfurahi kabla ya mchezo," alitamba Kamwe
Kamwe amesema uzinduzi wa hamasa kuelekea mchezo huo utafanyika kesho Jumanne Kariakoo. Jumatano hamasa itafanyika Makumbusho na Alhamisi hamasa itahitimishwa Tandika
