Wachezaji wote wa Yanga waliokuwa katika majukumu ya timu za Taifa wametakiwa kuripoti kambini Avic Town siku ya Jumatano kwa ajili ya maandalizi ya mwisho kuelekea mchezo wa mkondo wa kwanza robo fainali ya ligi ya mabingwa dhidi ya Mamelodi Sundowns
Meneja wa Habari na Mawasiliano klabu ya Yanga Ali Kamwe amesema kocha Miguel Gamondi amehitaji angalau siku mbili za maaandalizi ya mwisho akiwa na wachezaji wote
"Wachezaji wote ambao wako katika majukumu ya timu za Taifa wanatakiwa kurejea nchini Jumatano, March 27. Mwalimu Gamondi anahitaji angalau siku mbili za maandalizi ya mwisho akiwa na wachezaji wote"
"Hivyo matarajio yetu ni kuwa wote watarejea Jumatano hata kama itakuwa usiku wa manane, watahitajika kuripoti Avic Town," alisema Kamwe
Nahodha Bakari Nondo Mwamnyeto na Aboutwalib Mshery ambao walibaki Azerbaijan na timu ya Taifa ya Tanzania, walimaliza majukumu yao jana na wanatarajiwa kurejea nchini leo wakiwa na kikosi cha Stars
Kennedy Musonda, Pacome Zouzoua, Djigui Diarra na Stephane Aziz Ki timu zao za Taifa zikishuka dimbani leo kukamilisha ratiba za mechi za kirafiki
