Kocha Mkuu wa Yanga Miguel Gamondi amedokeza kuwa kikosi kitakachoikabili Mamelodi Sundowns siku ya Ijumaa kinaweza kuwa na mabadiliko kidogo kutegemeana na mpango watakaotumia katika mchezo huo
Yanga ilitua Afrika Kusini jana ikiwa na kikosi kamili kilichowajumuisha baadhi ya wachezaji waliokosekana mchezo uliopita kutokana na kuwa majeruhi
Katika wachezaji ambao wana nafasi kubwa kurejea kikosini ni Khalid Aucho na Pacome Zouzoua wakati Yao Kouassi licha ya kusafiri bado hayuko fit kwa asilimia 100
"Ndio, Tunaweza kuwa na kikosi chenye mabadiliko ni sisi tutaamua tucheze vipi na tuanze na nani kwani wale waliocheza mechi iliyopita wako sawasawa lakini pia wale ambao walikuwa na shida ya afya baadhi wamepona"
"Aucho yuko kwenye nafasi kubwa ya kucheza kuliko wenzake naweza kusema asilimia themanini, Pacome naye amerejea anafuatia nyuma ya Aucho kuhusu Yao amekuja lakini tutaamua hukuhuku cha kufanya," alisema Gamondi
Yanga tayari iko katika Mji wa Pretoria ambao mchezo huo utapigwa Ijumaa majira ya saa 3 usiku
