Wananchi wamefunga hesabu za michuano ya ligi ya mabingwa barani Afrika na malengo sasa ni kutetea mataji mawili ambayo yako mkononi
Kwanza ni taji la ligi kuu ya NBC ambalo Yanga wanalishikilia kwa misimu miwili mfululizo na taji la pili ni kombe la Shirikisho la CRDB (FA) ambalo nalo Wananchi wanalishikilia kwa misimu miwili
Mchezo unaofuata ni kombe la FA ambapo Jumatano Yanga itakuwa ugenini uwanja wa Jamhuri mkoani Dodoma kumenyana na Dodoma Jiji katika mchezo wa kusaka tiketi ya kutinga robo fainali
Kwa mujibu wa ratiba, mchezo huo umepangwa kupigwa saa 2 usiku, Yanga ikitarajiwa kuelekea mkoani Dodoma baadae leo
Baada ya mchezo huo, Yanga inakabiliwa na mchezo wa ligi kuu dhidi ya Singida FG utakaopigwa April 14 katika uwanja wa CCM Kirumba kisha kurejea jijini Dar es salaam kuumana na Simba April 20
